< The Poetry of Gaius Valerius Catullus
| Latin | |
|---|---|
| Commendo tibi me ac meos amores, | |
| Aureli. Veniam peto pudentem | |
| ut, si quicquam animo tuo cupisti | |
| quod castum expeteres et integellum, | |
| conserves puerum mihi pudice, | |
| non dico a populo - nihil veremur | |
| istos, qui in platea modo huc modo illuc | |
| in re praetereunt sua occupati - | |
| verum a te metuo tuoque pene | |
| infesto pueris bonis malisque. | |
| Quem tu qua lubet, ut lubet, moveto | |
| quantum vis, ubi erit foris paratum: | |
| hunc unum excipio, ut puto, pudenter. | |
| quod si te mala mens furorque vecors | |
| in tantam impulerit, sceleste, culpam, | |
| ut nostrum insidiis caput lacessas, | |
| a tum te miserum malique fati! | |
| Quem attractis pedibus patente porta | |
| percurrent raphanique mugilesque. |
This article is issued from
Wikibooks.
The text is licensed under Creative
Commons - Attribution - Sharealike.
Additional terms may apply for the media files.